తూర్పు వెళ్ళే రైలు (1979)

సంగీతం: ఎస్.పి.బాలసుబ్రమణ్యం
సాహిత్యం: ఆరుద్ర
గానం: పి.సుశీల

ఏమిటిది ఏమిటిదీ.. ఏదో తెలియనిదీ
ఎప్పుడూ కలగనిదీ ఏమిటిదీఏమిటిదీ .. (2)

హత్తుకున్న మెత్తదనం .. కొత్త కొత్తగా ఉందీ
మనసంతా మత్తు కమ్మి మంతరిచ్చినట్లుందీ
నరనరాన మెరుపు తీగె నాట్యం చేసేస్తుందీ
నాలో ఒక పూల తేనె నదిలా పొంగుతోంది పొంగుతోంది

ఏమిటిదీ .. ఏమిటిది ఏమిటిదీ..

ఈడు జోడు కుదిరిందీ.. తోడు నీడ దొరికిందీ
అందానికి ఈ నాడే అర్ధం తెలిసొచ్చిందీ
పెదవి వెనుక చిరునవ్వూ దోబూచులాడిందీ
చిలిపి చిలిపి తలపు తలచి సిగ్గు ముంచుకొస్తోందీ

ఏమిటిదీ .. ఏమిటిది ఏమిటిదీ.. ఏదో తెలియనిదీ
ఎప్పుడూ కలగనిది కలకానిదీ
ఏమిటిదీ ..