సంగీతం: ఇళయరాజా
సాహిత్యం: వెన్నెలకంటి
గానం: బాలు, ఎస్.జానకి
రాసలీల వేళ..రాయబారమేలా
మాటే మౌనమై మాయజేయ నేల
రాసలీల వేళ..రాయబారమేలా
కౌగిలింత వేడిలో కరిగె వన్నె వెన్నలా
తెల్లబోయె వేసవీ చల్లె పగటి వెన్నెలా
మోజులన్ని పాడగా జాజిపూల జావళీ
కందెనేమో కౌగిటా అందమైన జాబిలీ
తేనె వానలోన చిలికె తీయనైన స్నేహమూ
మేని వీణ లోన పలికె సోయగాల రాగమూ
నిదుర రాని కుదురులేని ఎదలలోని సొదలు మాని
రాసలీల వేళ..రాయబారమేల
మాటే మౌనమై మాయజేయ నేల
రాసలీల వేళ..రాయబారమేలా
మాయచేసి దాయకూ సోయగాల మల్లెలూ
మోయలేని తీయనీ హాయి పూల జల్లులూ
చేరదీసి చెంతకూ భారమైన యవ్వనం
దోరసిగ్గు తుంచకూ ఊరుకోదు ఈ క్షణం
చేపకళ్ళ సాగరాల అలల ఊయలూగనా
చూపు ముళ్ళు ఓపలేను కలల తలుపు తీయనా
చెలువ సోకు కలువ రేకు చలువ సోకి నిలువనీదు
రాసలీల వేళ..రాయబారమేల
మాటే మౌనమై మాయజేయ నేల
రాసలీల వేళ..రాయబారమేలా
No comments:
Post a Comment