ఝుమ్మంది నాదం

 

సంగీతం: ఎం.ఎం.కీరవాణి

సాహిత్యం: చంద్రబోస్

గానం: కృష్ణ చైతన్య, సునీత

ఎంత ఎంత ఎంత చూడనూ..ఎడమ కుడి ఎటేపు చూడను

రెండూ రెండేగా ఉన్నాయంట నా కన్నులూ

అరెరెరెరే .. ఎన్నని సిరులెన్నని నిధులెన్నని మరి చూడాలికా

అరెరెరెరే .. ఉన్నవి సరిపోవని నా కన్నులు అరువిస్తానుగా

ఎంత ఎంత ఎంత చూడనూ..ఎడమ కుడి ఎటేపు చూడను

చేతికేసి చూస్తే చెంపగారు సిద్దం .. నిదురు చూస్తే పెదవిగారు పలికె స్వాగతం

అడుగుకేసి చూస్తే జడలు చేసె జగడం .. మెడను చూస్తె నడుముగారు నలిగె తక్షణం

అరెరెరెరే .. చూడకు తెగ చూడకు తొలి ఈడుకు దడ పెంచేయకూ

అరెరెరెరే .. ఆపకు నను ఆపకు కనుపాపల ముడి తెంచేయకూ

ఎంత ఎంత ఎంత చూడనూ..ఎడమ కుడి ఎటేపు చూడను

పైన పైన కాదూ లోన తొంగి చూడూ .. మనసు మూల దొరుకుతుంది ప్రణయ పుస్తకం

కళ్ళతోటి కాదు కౌగిళ్ళతోటి చూస్తే వయసు మనకు తెలుపుతుంది వలపు వాస్తవం

అరెరెరెరే .. చూపులు మునిమాపుగ మన రేపుగ ఇక మారాలిగా

అరెరెరెరే .. రేపటి మన కలయికలను ఇప్పటి కల చూపిందిగా

*************************************************

సాహిత్యం: సుద్దాల అశోక్ తేజ

గానం: చైత్ర, అనూజ్ గురవర

ఏలోరే.. ఏలోరే ..

ఏలో ఏలో ఏలో ఏలో ఏలోరే ఏలో

ఏం సక్కగున్నవ్ రో .. నా సొట్ట సెంపలోడ

ఏం సిక్కగున్నవ్ రో .. నా సిట్టి జుంపాలోడ (2)

పక్కన నువ్వుంటే నాకు రెక్కలు ఉన్నట్టే

రెక్కలు నాకుంటే నేను సుక్కలో ఉన్నట్టే

ఫక్కున నువు నవ్వితే ..

ముత్యాల్ వజ్రాల్ వైడూర్యాలు ఏరుకుంటాలే మెళ్ళో ఏసుకుంటాలే !

ఏం సక్కగున్నావే సంపంగి ముక్కు దానా

ఏం సిక్కగున్నావే లవంగి టెక్కుదానా

చీర కొంగులో నన్ను కట్టుకో.. బొడ్డు లోపలా నన్ను దోపుకో

పూల దస్తిలో నన్ను పెట్టుకో .. రైక లోపల నన్ను దాచుకో

ఓహో ఎర్రని రిబ్బెన పువ్వల్లే చేసి .. నల్లని కొప్పున నన్ను చుట్టుకో

కొప్పున చుట్కుంటే లోకం చూస్తదీ .. ఆహా

రైకల పెట్కుంటే గిలిగిలైతదీ .. ఆహా

బొడ్డుల దోప్కుంటే .. మోసమైతదీ .. అమ్మొ మోసమైతదీ

ఏదో పోనీ అని వంటిగొదిలితే .. ఏస్కపోతరేమో నా ఈడు ఆడోళ్ళు !

సక్కగున్నవ్ రో.. ఏం సక్కగున్నవ్ రో .. నా సొట్ట సెంపలోడ

ఏం సిక్కగున్నవ్ రో .. నా సిట్టి జుంపాలోడ

పచ్చనాకులా పళ్ళెం పెట్టుతా .. వేడి వేడిగా బువ్వ వడ్డిస్తా

ఆవకాయలో నెయ్యి కల్పుతా .. ముద్దు పెడితె నే ముద్ద తింపిస్తా

అబ్బొబ్బొ తినుకుంటా నా ఏలు కొరికితే .. మబ్బుల్లో సెంద్రయ్య సిగ్గు సెందాడా

గోరింటా ఆకులు ముద్ద నూరుతా .. కాళ్ళకూ వేళ్ళకూ నేనే అద్దుతా

పాదాల దగ్గరనే .. సేద తీరుతా .. ఆహా సేద తీరుతా

తెల్లవారంగానే నేనే కడుగుతా .. నీ కాలి మెరుపులో పొద్దుపొడుపునే చూస్తా

 సక్కగున్నవ్ రో.. నా సొట్ట సెంపలోడ

ఏం సిక్కగున్నవ్ రో .. నా సిట్టి జుంపాలోడ

ఏం సక్కగున్నావే సంపంగి ముక్కు దానా

ఏం సిక్కగున్నావే లవంగి టెక్కుదానా

ఏలోరే.. ఏలోరే ..

ఏలో ఏలో ఏలో ఏలో ఏలోరే ఏలో

యముడు

సంగీతం: దేవిశ్రీ ప్రసాద్

గానం: సుచిత్రా కార్తీక్ కుమార్, సాగర్

సాహిత్యం: శశాంక్ వెన్నెలకంటి

నా హృదయం ఎరుగదు ఇదివరకు .. ఈ ప్రియ సరిగమలే

నా మనసుకు తెలియదు ఇదివరకు .. ఈ కసి గుసగుసలే

ఇది ఏమో ఏదో ఎరుగనులే .. అయినా మధురములే

ఇది కలయా నిజమా తెలియదులే .. కొంచెం కలయై కొంచెం నిజమై ఊయలూపె ఎదనే !

నా హృదయం ఎరుగదు ఇదివరకు .. ఈ ప్రియ సరిగమలే

నా మనసుకు తెలియదు ఇదివరకు .. ఈ కసి గుసగుసలే

ఎక్కడో నువ్వున్నా .. పక్కనే ఉన్నట్టుందీ

ఎప్పుడూ నిన్నొదిలీ మనసిలా .. రానంటుందీ

ఎందుకో ప్రతిమాటా .. నీ పేరులా వినబడుతుందీ

అందుకే సగవాటా .. నీ పేరులో మనసడిగిందీ

దాహమే రేపినా .. మోహమే నీవులే
తీయనీ వీణలా .. గుండెల్లో మోగావులే

నా హృదయం .. హృదయం హృదయం హృదయం హృదయం హృదయం

నా హృదయం ఎరుగదు ఇదివరకు .. ఈ ప్రియ సరిగమలే

నా మనసుకు తెలియదు ఇదివరకు .. ఈ కసి గుసగుసలే

యవ్వనం నీకోసం నేర్చెలే .. వయ్యారాలూ

ఈ క్షణం నా ప్రాయం పేర్చెలే .. పూబాణాలూ

కంటిలో కాటుకలా కరిగినా .. నా స్వప్నాలే

గంటకో కోరికలా చేరనీ .. నీ కౌగిళ్ళే

బొత్తిగా మరచినా .. పడకలో నిద్దురా

ముద్దుకే మనసిలా .. పడుతుందిలే తొందరా

నా హృదయం .. నా హృదయం

నా హృదయం ఎరుగదు ఇదివరకు .. ఈ ప్రియ సరిగమలే

నా మనసుకు తెలియదు ఇదివరకు .. ఈ కసి గుసగుసలే

చలాకి

గానం: కార్తీక్, సునీత
సంగీతం: వి.హరికృష్ణ
సాహిత్యం: వనమాలి


నీవు లేని వేళ నాకు క్షణమే యుగమా
చేయి దాటి జారిపోయే కధలే నిజమా


విరిసే మదినీ .. విరిచే ప్రేమా
ఎడబాటేనా .. నీ చిరునామా !


నీవు లేని వేళ నాకు క్షణమే యుగమా
చేయి దాటి జారిపోయే కధలే నిజమా


నను చేరే శ్వాసే నాతో వేరవుతుంటే
నడిచే ఓ శిలగానైనా జీవించాలా


ఇక సెలవని ఇరు హృదయాలూ .. గతమొక కల అనుకోవాలా
విధి నిను నను వేసిన చెరలో .. కలతే కాపలా


కనులే అలలై .. కరిగే వేళా
ఎదనే వీడీ .. ఎదురీదాలా !


నీవు లేని వేళ నాకు క్షణమే యుగమా
చేయి దాటి జారిపోయే కధలే నిజమా


గతమంతా నీతో సాగిన దారుల్లోనా
మన పాదం చూపే గురుతే శోధిస్తున్నా


తొలివలపుకు ఆఖరి మజిలీ .. కలవని ఇరు తీరాలైతే
మనసులు ఒక జంటగ చేరీ .. వలచేదెందుకో


బ్రతికే వరకూ .. తొలిచే ప్రేమా
చితిలోనైనా .. కలిసుంటామా !


నీవు లేని వేళ నాకు క్షణమే యుగమా
చేయి దాటి జారిపోయే కధలే నిజమా


విరిసే మదినీ .. విరిచే ప్రేమా
ఎడబాటేనా .. నీ చిరునామా !


నీవు లేని వేళ నాకు క్షణమే యుగమా
చేయి దాటి జారిపోయే కధలే నిజమా