రాజమకుటం

సంగీతం: మాస్టర్ వేణు
సాహిత్యం: దేవులపల్లి కృష్ణశాస్త్రి
గానం: పి.లీల


సడి సేయకో గాలి.. సడి సేయబోకే

సడి సేయకో గాలి.. సడి సేయబోకే
బడలి ఒడిలో రాజు పవళించేనే

సడి సేయకే..

రత్నపీఠిక లేని రారాజు నా స్వామి
మణికిరీటము లేని మహరాజుగాకేమి
చిలిపి పరుగులు మాని కొలిచి పోరాదె

సడి సేయకే..

ఏటి గలగలలకే ఎగసి లేచేనే
ఆకు కదలికలకే అదరి జూసేనే
నిదుర చెదరిందంటే నేనూరుకోనే

సడి సేయకే..

పండువెన్నెల నడిగి పాన్పు తేరాదే
ఈడ మబ్బుల దాగు నిదుర తేరాదే
విరుల వీవెన పూని విసిరిపోరాదే

సడి సేయకో గాలి.. సడి సేయబోకే
బడలి ఒడిలో రాజు పవళించేనే
సడి సేయకో గాలి..