మౌనరాగం

సంగీతం: ఇళయరాజా
సాహిత్యం: రాజశ్రీ
గానం: ఎస్.పి.బాలసుబ్రమణ్యం


మల్లెపూల చల్లగాలి మంట రేపె సందెవేళలో .. ఏల ఈవేళా
కోరుకున్న గోరింకను చేరదేల రామ చిలుకా .. ఏల అదేలా
ఆవేదనే .. ఈనాటికీ .. మిగిలింది నాకూ !


మల్లెపూల చల్లగాలి మంట రేపె సందెవేళలో .. ఏల ఈవేళా

తామరలపైనా నీటిలాగా .. భర్తయూ భార్యయూ కలవరంటా
తోడుగా చేరీ బ్రతికేందుకూ .. సూత్రమూ మంత్రమూ ఎందుకంటా
సొంతం అనేది లేకా .. ప్రేమ బంధాలు లేకా .. మోడంటి జీవితం ఇంకేలా ! హ !

మల్లెపూల చల్లగాలి మంట రేపె సందెవేళలో .. ఏల ఈవేళ

వేదికై పోయే .. మన కధంతా .. నాటకం ఆయెనూ మనుగడంతా
శోధనై పోయే .. హృదయమంతా .. బాటలే మారెనే పయనమంతా
పండిచవే వసంతం .. పంచవేలా సుగంధం .. నా గుండె గుడిలో నిలవాలీ .. రా !

మల్లెపూల చల్లగాలి మంట రేపె సందెవేళలో .. ఏల ఈవేళా
కోరుకున్న గోరింకను చేరదేల రామ చిలుకా .. ఏల అదేలా
ఆవేదనే .. ఈనాటికీ .. మిగిలింది నాకూ !


మల్లెపూల చల్లగాలి మంట రేపె సందెవేళలో .. ఏల ఈవేళా

సీతారామకళ్యాణం (1986)

సంగీతం: కె.వి.మహదేవన్
సాహిత్యం: ఆత్రేయ
గానం: బాలు, పి.సుశీల


రాళ్ళల్లో ఇసకల్లో రాసాము ఇద్దరి పేర్లు
కళ్ళు మూసి చిన్నగా కలిపి చదువుకో ఒక్కసారీ
కలలలోన తీయగా గురుతు తెచ్చుకో (2)

కలలన్ని పంటలై పండెనేమో
కలిసింది కన్నుల పండుగేమో
చిననాటి స్నేహమే అందెనేమో
అది నేటి అనురాగ బంధమేమో

తొలకరి వలపులలో పులకించు హృదయాలలో (2)
ఎన్నాళ్ళకీనాడు విన్నాము సన్నాయి మేళాలు

ఆ మేళ తాళాలు మన పెళ్ళి మంత్రాలై వినిపించు వేళలో ..
ఎన్నెన్ని భావాలో !

రాళ్ళల్లో ఇసకల్లో రాసాము ఇద్దరి పేర్లు
కళ్ళు మూసి చిన్నగా కలిపి చదువుకో ఒక్కసారీ
కలలలోన తీయగా గురుతు తెచ్చుకో


చూసాను ఎన్నడో పరికిణీ లో
వచ్చాయి కొత్తగా సొగసులేవో
హృదయాన దాచిన పొంగులేవో
పరువాన పూచెను వన్నెలేవో

వన్నెల వానల్లో వనరైన జలకాలలో (2)
మునగాలి తేలాలి తడవాలి ఆరాలి మోహం లో


ఆ మోహదాహాలు మన కంటి పాపల్లో కనిపించు గోములో ..
ఎన్నెన్ని కౌగిళ్ళో !

రాళ్ళల్లో ఇసకల్లో రాసాము ఇద్దరి పేర్లు
కళ్ళు మూసి చిన్నగా కలిపి చదువుకో ఒక్కసారీ
కలలలోన తీయగా గురుతు తెచ్చుకో

బొమ్మన బ్రదర్స్ .. చందన సిస్టర్స్ (2008)

సంగీతం: శ్రీలేఖ
సాహిత్యం: భాస్కరభట్ల
గానం: కార్తీక్, శ్వేత


చెలీ .. తొలి కలవరమేదో
ఇలా .. నను తరిమినదే
ప్రియా .. నీ తలపులజడిలో
ఇంతలా .. ముంచకే .. మరీ !

పొద్దున్నేమో ఓ సారీ ..
సాయంకాలం ఓ సారీ ..
నిన్నే చూడాలనిపిస్తోంది .. What can I do?

ముగ్గే పెడుతూ ఓ సారీ ..
ముస్తాబవుతూ ఓ సారీ ..
ఏదో అడగాలనిపిస్తోంది .. What shall I do?

కొత్తగా .. సరికొత్తగా .. చిరుగాలి పెడుతోంది కితకితా
ముద్దుగా .. ముప్పొద్దులా .. వయసుడిగిపోతుంది కుతకుతా
ఏమైనా ఈ హాయి తరి తరికిటా !


తరికిటా .. తరికిటా .. తరికిటా తోం తరికిటా !
తరికిటా .. తరికిటా .. తరికిటా నం తరికిటా !!

పొద్దున్నేమో ఓ సారీ ..
సాయంకాలం ఓ సారీ ..
నిన్నే చూడాలనిపిస్తోంది .. What can I do?


అతిధిగ వచ్చే నీకోసం స్వాగతమౌతానూ
చిరునవ్వుగ వచ్చే నీకోసం పెదవే అవుతానూ
చినుకై వచ్చే నీకోసం దోసిలినౌతానూ
చిలకై వచ్చే నీకోసం చెట్టే అవుతానూ

చాటుగా .. ఎద చాటుగా .. ఏం జరిగిపోతుందో ఏమిటో
అర్ధమే .. కానంతగా .. ఎన్నెన్ని పులకింతలో
తొలిప్రేమ కలిగాక అంతేనటా !

తరికిటా .. తరికిటా .. తరికిటా తోం తరికిటా !
తరికిటా .. తరికిటా .. తరికిటా నం తరికిటా !!

అలలా వచ్చే నీకోసం సెలయేరౌతానూ
అడుగై వచ్చే నీకోసం నడకే అవుతానూ
కలలా వచ్చే నీకోసం నిదురే అవుతానూ
చలిలా వచ్చే నీకోసం కౌగిలినౌతానూ

పూర్తిగా .. నీ ధ్యాసలో .. మది మునిగిపోతోంది ఎందుకో
పక్కనే .. నువ్వుండగా .. ఇంకెన్ని గిలిగింతలో
నాక్కూడా నీలాగే అవుతుందటా !

తరికిటా .. తరికిటా .. తరికిటా తోం తరికిటా !
తరికిటా .. తరికిటా .. తరికిటా నం తరికిటా !!

పొద్దున్నేమో ఓ సారీ ..
సాయంకాలం ఓ సారీ ..
నిన్నే చూడాలనిపిస్తోంది .. What can I do?

ముగ్గే పెడుతూ ఓ సారీ ..
ముస్తాబవుతూ ఓ సారీ ..
ఏదో అడగాలనిపిస్తోంది .. What shall I do?

కొత్తగా .. సరికొత్తగా .. చిరుగాలి పెడుతోంది కితకితా
ముద్దుగా .. ముప్పొద్దులా .. వయసుడిగిపోతుంది కుతకుతా
ఏమైనా ఈ హాయి తరి తరికిటా !

ద్రోహి

సంగీతం: హరిస్ జయరాజ్
సాహిత్యం: వెన్నెలకంటి
గానం: రఘు కుంచె, నాగ సాహితి


నీ తలపున..నీ తలపునా
నా మనసు కవితైపోయే
నీ రెప్పలే .. కను రెప్పలే
కంటిపాపగ దాచెను హాయే

హ్మ్ .. నాలో రగిలే .. తీయని మంటా .. నేడెందుకనీ
హ్మ్ .. కోరికలన్నీ .. తారకలాయే .. ఏ విందుకనీ

నీ తలపున..నీ తలపునా
నా మనసు కవితైపోయే
నీ రెప్పలే .. కను రెప్పలే
కంటిపాపగ దాచెను హాయే

ఒడిలో రేగు విరహం .. అది కోరెనే చిలిపి సరసం
తగనీ వలపు మోహం .. అది తగవే తీరు స్నేహం
తరగనిదీ .. కరగనిదీ .. వగలన్ని సెగలైన చలీ
తొలిముద్దు నన్నే .. బులిపించగానే .. దినం దినం నిన్నే చూడగా !

నీ తలపున..నీ తలపునా .. నా మనసు కవితైపోయే
నీ రెప్పలే .. కను రెప్పలే .. కంటిపాపగ దాచెను హాయే


బుగ్గలా పాలమెరుపూ .. అది తగ్గలేదింత వరకూ
మోహం రేపు కలగా .. తొలి ఆమనే వచ్చె నాకై
రసికతలో .. కసికతలే .. తెలిపెను చిలిపిగ చెలీ
ముద్దు ముత్యాలన్నీ .. మోవి దిద్దగానే .. ఎగిసెను నాలో ప్రాయమే !

నీ తలపున..నీ తలపునా ..నా మనసు కవితైపోయే
నీ రెప్పలే .. కను రెప్పలే ..కంటిపాపగ దాచెను హాయే

హ్మ్ .. నాలో రగిలే .. తీయని మంటా .. నేడెందుకనీ
హ్మ్ .. కోరికలన్నీ .. తారకలాయే .. ఏ విందుకనీ


***********************************
గానం: చిన్మయి, రఘు కుంచె


మేఘమాల తానే .. నీ చెంతకొచ్చిందీ
రాగమాలలేవో .. నీ కోసం తెచ్చిందీ
చల్లనీ మనసు .. ఇక నీదేనన్నదీ
మల్లెలా మాసం .. నీ మాటేనన్నదీ
నీ ఊర్వశిగా..
నీ ప్రేయసిగా ..
నీ ఊర్వశిగా..నీ ప్రేయసిగా ..


ఉండలేనీ విరహం కనవా .. గుండెల్లో చోటియ్యవా
మరిగె మదినే తలగడ చేసీ .. జోలలు పాడెయ్యవా
చిలికి చిలికీ కురిసే జల్లై .. నన్ను ముంచెయ్యవా
ఒంటరి గాయం చేసే ప్రాయం .. క్షణము లాలించవా


ఉండలేనీ విరహం కనవా .. గుండెల్లో చోటియ్యవా

ఎదనే తెలుపూ మాటలిలా .. ఎదుటే పడితే మౌనమయే
తొలుచు తలపు ఇదీ .. పిలుచు చిలక ఇదీ
ఊపిరి నీవై .. నాలోనా శ్వాసించవా
చూపులతోనే .. నను నువ్వే శాసించవా


ఉండలేనీ విరహం కనవా .. గుండెల్లో చోటియ్యవా
మరిగె మదినే తలగడ చేసీ .. జోలలు పాడెయ్యవా

కదలని కాలం బరువాయే .. కంటికి నిదురే కరువాయే
నీడను వీడి వెళ్తావా .. నీతోనే తీసుకెళ్తావా
జన్మల బంధం .. నీతోటి .. వేసెయ్యవా
కమ్మని కలలే .. ఇక నిజమూ .. చేసెయ్యవా


ఉండలేనీ విరహం కనవా .. గుండెల్లో చోటియ్యవా
మరిగె మదినే తలగడ చేసీ .. జోలలు పాడెయ్యవా
చిలికి చిలికీ కురిసే జల్లై .. నన్ను ముంచెయ్యవా
ఒంటరి గాయం చేసే ప్రాయం .. క్షణము లాలించవా
క్షణము లాలించవా .. క్షణము లాలించవా !

గమ్యం

సంగీతం: ఇ.ఎస్.మూర్తి, అనిల్.ఆర్
సాహిత్యం: సిరివెన్నెల
గానం: సుజాత


సమయమా .. చలించకే
బిడియమా .. తలొంచకే

సమయమా .. చలించకే
బిడియమా .. తలొంచకే

తీరం ఇలా తనకు తానే
తీరం ఇలా తనకు తానే ..వెతికి జతకి చేరే క్షణాలలో !

సమయమా .. చలించకే
బిడియమా .. తలొంచకే


చంటిపాపలా .. అనుకుంటూ ఉండగానే
చందమామలా .. కనుగొన్నా గుండెలోనే
తనలో చిలిపితనం .. సిరివెన్నెలే అయేలా
ఇదుగో కలలవనం .. అని చూపుతున్న లీలలో

సమయమా .. చలించకే
బిడియమా .. తలొంచకే


పైడిబొమ్మలా .. నను చూసే కళ్ళలోనే
ఆడజన్మలా .. నను గుర్తించాను నేనే
తనకే తెలియదనీ .. నడకంటే నేర్పుతూనే
నను నీ వెనక రానీ .. అని వేడుతున్న వేళలో


సమయమా .. చలించకే
బిడియమా .. తలొంచకే (2)


********************************
గానం: రంజిత్

ఎంతవరకూ .. ఎందుకొరకూ .. వింతపరుగూ .. అని అడక్కు
గమనమే నీ గమ్యమైతే .. బాటలోనే బ్రతుకు దొరుకు
ప్రశ్నలోనే బదులు ఉందే .. గుర్తుపట్టే గుండెనడుగూ


ప్రపంచం నీలో ఉన్నదని చెప్పేదాక ఆ నిజం తెలుసుకోవా !
తెలిస్తే ప్రతీ చోట నిను నువ్వే కలుసుకుని పలకరించుకోవా !!

ఎంతవరకూ .. ఎందుకొరకూ .. వింతపరుగూ .. అని అడక్కు
గమనమే నీ గమ్యమైతే .. బాటలోనే బ్రతుకు దొరుకు
ప్రశ్నలోనే బదులు ఉందే .. గుర్తుపట్టే గుండెనడుగూ


కనపడేవెన్నెన్ని కెరటాలూ .. కలగలిపి సముద్రమంటారు
అడగరేం ఒక్కొక్క అల పేరూ
మనకిలా ఎదురైన ప్రతివారూ .. మనిషనే సంద్రాన కెరటాలు
పలకరే మనిషీ అంటే ఎవరూ


సరిగా చూస్తున్నదా .. నీ మది గదిలో నువ్వే కదా ఉన్నది
చుట్టూ అద్దాలలో .. విడి విడి రూపాలు నువ్వు కాదంటున్నది
నీ ఊపిరిలో లేదా గాలీ .. వెలుతురు నీ చూపుల్లో లేదా
మన్నూ మిన్నూ నీరూ అన్నీ కలిపితే నువ్వే కదా కాదా !


ప్రపంచం నీలో ఉన్నదని చెప్పేదాక ఆ నిజం తెలుసుకోవా !
తెలిస్తే ప్రతీ చోట నిను నువ్వే కలుసుకుని పలకరించుకోవా !!

మనసులో నీవైన భావాలే .. బయటకనిపిస్తాయి దృశ్యాలై
నీడలూ నిజాల సాక్ష్యాలే
శత్రువులు నీలోని లోపాలే .. స్నేహితులు నీకున్న ఇష్ఠాలే
ఋతువులూ నీ భావ చిత్రాలే


ఎదురైన మందహాసం .. నీలోని చెలిమి కోసం
మోసం రోషం ద్వేషం .. నీ మకిలి మదికి భాష్యం
పుటకా చావూ .. రెండే రెండూ .. నీకవి సొంతం కావూ .. పోనీ
జీవితకాలం .. నీదే నేస్తం .. రంగులు ఏంవేస్తావో .. కానీ !