సింహబాలుడు

సంగీతం : యం.యస్.విశ్వనాథన్

సన్నజాజులోయ్..హా..కన్నెమోజులోయ్
సన్నజాజులోయ్..హా..కన్నెమోజులోయ్
అల్లిబిల్లి సంతలోన పిల్ల గాలి జాతరాయే..తళుకు బెళుకు కనవేరా..
పాలవెల్లి పుంత కాడ పైట కొంగు జారిపోయె..పడుచు గొడవ వినవేరా..

సన్నజాజులోయ్..హా..కన్నెమోజులోయ్
సన్నజాజులోయ్..హా..కన్నెమోజులోయ్
హా..కన్ను కన్ను గీటుకుంటె సన్న సన్న మంటరేగే..కలికి చిలుక ఇటు రావే
వళ్ళు వళ్ళు మీటుతుంటే వగలమారి సెగలు పుట్టె..వలపు పిలుపు విని పోవే

'బానిసగా వచ్చావు..నన్నే నీ బానిసగా చేసుకున్నవు
మగతనం చూపావు..నాలో ఆడతనాన్ని నిద్దుర లేపావు.'

రేయి తెల్లారి తెల్లారి పోతున్నదీ రారా నా దొరా..
తీగ అల్లాడి మాడి పోతున్నదీ రారా సుందరా..
ఒకటున్నది నీలో..ఒడుపున్నది నాలో..
అది వున్నది లేనిది తెలుసుకో..
మెరుపున్నది నాలో..ఉరుమున్నది నీలో..
అది నీదని ఇది నాదని మరిచిపో..

సన్నజాజులోయ్..

'ఈ ద్వీపానికి దీపానివి నువ్వు..ఈ లంకకే నెలవంకవు నువ్వు.'

మల్లెపువ్వంటి రవ్వంటి మనసున్నదిలే..మగతోడు వున్నదిలే
చింత చీరంటి పొగరు వున్నదిలే..వగరున్నదిలే సెగ రేగిందిలే
వలపున్నది నాలో..బలమునంది నీలో..ఆ పట్టుని ఈ విడుపుని కోరుకో..
సగమున్నది నాలో..సగమున్నది నీలో..రెంటిని జంటగా మలచుకో..

సన్నజాజులోయ్..హా..కన్నెమోజులోయ్

అల్లిబిల్లి సంతలోనా పిల్ల గాలి జాతరాయే..తళుకు బెళుకు కనవేరా..
పాలవెల్లి పుంత కాడ పైట కొంగు జారిపోయె..పడుచు గొడవ వినవేరా.