గానం: కార్తీక్, సునీత
సంగీతం: వి.హరికృష్ణ
సాహిత్యం: వనమాలి
నీవు లేని వేళ నాకు క్షణమే యుగమా
చేయి దాటి జారిపోయే కధలే నిజమా
విరిసే మదినీ .. విరిచే ప్రేమా
ఎడబాటేనా .. నీ చిరునామా !
నీవు లేని వేళ నాకు క్షణమే యుగమా
చేయి దాటి జారిపోయే కధలే నిజమా
నను చేరే శ్వాసే నాతో వేరవుతుంటే
నడిచే ఓ శిలగానైనా జీవించాలా
ఇక సెలవని ఇరు హృదయాలూ .. గతమొక కల అనుకోవాలా
విధి నిను నను వేసిన చెరలో .. కలతే కాపలా
కనులే అలలై .. కరిగే వేళా
ఎదనే వీడీ .. ఎదురీదాలా !
నీవు లేని వేళ నాకు క్షణమే యుగమా
చేయి దాటి జారిపోయే కధలే నిజమా
గతమంతా నీతో సాగిన దారుల్లోనా
మన పాదం చూపే గురుతే శోధిస్తున్నా
తొలివలపుకు ఆఖరి మజిలీ .. కలవని ఇరు తీరాలైతే
మనసులు ఒక జంటగ చేరీ .. వలచేదెందుకో
బ్రతికే వరకూ .. తొలిచే ప్రేమా
చితిలోనైనా .. కలిసుంటామా !
నీవు లేని వేళ నాకు క్షణమే యుగమా
చేయి దాటి జారిపోయే కధలే నిజమా
విరిసే మదినీ .. విరిచే ప్రేమా
ఎడబాటేనా .. నీ చిరునామా !
నీవు లేని వేళ నాకు క్షణమే యుగమా
చేయి దాటి జారిపోయే కధలే నిజమా
This entry was posted
on June 23, 2010
at Wednesday, June 23, 2010
and is filed under
2010
. You can follow any responses to this entry through the
comments feed
.
