November 07, 2008

పెళ్ళిచూపులు (1983)

సంగీతం: కె.వి.మహదేవన్
సాహిత్యం: ఆచార్య ఆత్రేయ
గానం: బాలు, పి.సుశీల

నిన్నే నిన్నే తలచుకుని.. నిద్దుర పొద్దులు మేలుకుని

నిన్నే నిన్నే తలచుకుని నిద్దుర పొద్దులు మేలుకుని
ఎన్నోనాళ్ళు ఎన్నో ఏళ్ళు ఉన్నా నువ్వే వస్తావనీ
వస్తే ప్రాణం వస్తుందనీ..నువ్వొస్తే ప్రాణం వస్తుందనీ

నిన్నే నిన్నే తలచుకుని నిద్దుర పొద్దులు మేలుకుని
ఎన్నోనాళ్ళు ఎన్నో ఏళ్ళు ఉన్నా నువ్వే వస్తావనీ
వస్తే ప్రాణం వస్తుందనీ..నువ్వొస్తే ప్రాణం వస్తుందనీ

'ఏమిటిది?'

'ఇలా ఇద్దరం ముద్దరలు వేస్తే..దేవుడు చల్లగా చూస్తాడు.
తప్పకుండా మనసిచ్చినవాడితో పెళ్ళవుతుంది.'

కిట్టయ్యంటే నువ్వేనని పిల్లనగ్రోవి నేనేనని
పెదవులపైనే ఉండాలని పదములు ఎన్నో పాడాలని

కిట్టయ్యంటే నువ్వేనని పిల్లనగ్రోవి నేనేనని
పెదవులపైనే ఉండాలని పదములు ఎన్నో పాడాలని
బృందావనం తగదనీ..అందరితో తగువనీ
బృందావనం తగదనీ..అందరితో తగువనీ
యమున దాటి వెళ్ళాలని వేచి ఉన్న వెర్రిదాన్ని !

నిన్నే నిన్నే తలచుకుని నిద్దుర పొద్దులు మేలుకుని
ఎన్నోనాళ్ళు ఎన్నో ఏళ్ళు ఉన్నా నువ్వే వస్తావనీ
వస్తే ప్రాణం వస్తుందనీ..నువ్వొస్తే ప్రాణం వస్తుందనీ

సీతమ్మంటే నువ్వేననీ రాముడు నేనై ఉండాలని
రావణుడెవ్వడు రారాదని రామాయణం కారాదని

సీతమ్మంటే నువ్వేననీ రాముడు నేనై ఉండాలని
రావణుడెవ్వడు రారాదని రామాయణం కారాదని
పగలు పగలు అనుకునీ..రాత్రి రాత్రి కలగనీ
పగలు పగలు అనుకునీ..రాత్రి రాత్రి కలగనీ
కలే నిజం అవుతుందని కాచుకున్న పిచ్చివాణ్ణి !

నిన్నే నిన్నే తలచుకుని నిద్దుర పొద్దులు మేలుకుని
ఎన్నోనాళ్ళు ఎన్నో ఏళ్ళు ఉన్నా నువ్వే వస్తావనీ
వస్తే ప్రాణం వస్తుందనీ..నువ్వొస్తే ప్రాణం వస్తుందనీ

No comments: