కనులు మూసినా నీవాయే!

సంగీతం : చక్రి
సాహిత్యం : కందికొండ
గానం : హరిహరన్


చిన్ని నవ్వు జల్లిపోవే ప్రియతమా
చందనాలు చిందిపోవే ప్రాణమా

బిందువై నను తాకిపోవే ప్రియతమా
సింధువై మది నిండిపోవే ప్రాణమా

హృది వాణివై హృదయానివై
ఈ హాయిలో కిరణానివై
నా కంటి పాపల్లో దీపాల వెలుగై
నా గుండె లోతుల్లో స్వప్నాల జడివై

చిన్ని నవ్వు జల్లిపోవే ప్రియతమా
చందనాలు చిందిపోవే ప్రాణమా

నిను చూస్తు కూర్చుంటె ఓ సంబరం సంబరం సంబరం
నా చెంతే ఉన్నట్టు ఆ అంబరం అంబరం అంబరం
నీ రూపు కలలెన్నో వెదజల్లి పోయిందీ
ఎద ఏంటి మేఘంలా ఎగిరెళ్ళి పోతోందీ

సఖి నువ్వే నాలోని అలజడికే ఆకారం
నువు కాదా లోలోనే తొలి ప్రేమకు శ్రీకారం
నాలోని భావాలు ఇక తెలిపేదేలా

చిన్ని నవ్వు జల్లిపోవే ప్రియతమా
చందనాలు చిందిపోవే ప్రాణమా

ప్రతిరోజు నిదురల్లో ఓ కలవరం కలవరం కలవరం
కెరటాలై పొంగింది మది సాగరం సాగరం సాగరం
మనసేమొ చిత్రంగా నిన్నేలే అడిగిందీ
ఎద ఏమో ఆత్రంగా నీకోసం వెతికిందీ

అణువణువుని జత చేసి నిర్మించా గోపురమే
నువు చిందే చిరునవ్వే నా పాలిట ప్రియ వరమే
నాలోని భావాలు ఇక తెలిపేదేలా

చిన్ని నవ్వు జల్లిపోవే ప్రియతమా
చందనాలు చిందిపోవే ప్రాణమా

భగీరథ

సంగీతం : చక్రి
గానం : హరిహరన్, కౌసల్య


ఎవరో..ఎవరో..ఎదలో ఎవరో
అనుకోని వరమై చేరే..అమృతాల వరదై పారే

తన పేరే ప్రేమా..తనదే ఈ మహిమా
తనదే తొలి జన్మా..తరువాతే బ్రహ్మా

ఎవరో..ఎవరో..ఎదలో ఎవరో

చూపుల్లో పున్నమి రేఖలుగా..రూపం లో పుత్తడి రేఖలుగా
మారింది జీవన రేఖ నా హృదయం లో తానే చేరాకా

అధరాలే మన్మధ లేఖ రాయగా..
అడుగేమో లక్ష్మణ రేఖ దాటగా..

బిడియాలా బాటలో..నడిపే వారెవరో..
బడిలేనీ పాఠమే..నేర్పే తానెవరో..

విడిపోని..ముడివేసి..మురిసేదెవ్వరో..
ఎవరో..ఎవరో..

మల్లెలతో స్నానాలే పోసి..నవ్వులతో నగలెన్నో వేసి
చీకటితో కాటుక పెట్టీ.. నన్నే తానూ నీకై పంపిందీ !

సొగసంత సాగరమల్లే మారగా..
కవ్వింత కెరటాలల్లే పొంగగా..

సరసాలా..నావలో..చేరే వారెవరో
మధురాలా..లోతులో..ముంచే తానెవరో

పులకింత ముత్యాలే పంచేదెవరో..

ఎవరో..ఎవరో..ఎదలో ఎవరో
అనుకోని వరమై చేరే..అమృతాల వరదై పారే

తన పేరే ప్రేమా..తనదే ఈ మహిమా
తనదే తొలి జన్మా..తరువాతే బ్రహ్మా
ఎవరో..ఎవరో..ఎదలో ఎవరో

ఈ అబ్బాయి చాలా మంచోడు

సంగీతం: కీరవాణి
సాహిత్యం: చంద్రబోస్
గానం: కీరవాణి, గంగ


ఒక మనసుతో ఒక మనసుకి ముడి ఎట్టా వేస్తావు
ఆ ముడి ఒక కొంగు ముడయ్యేదాకా ఊరుకోవు
ప్రేమా..ఆ..ఆ !

ఒక మనసుతో ఒక మనసుకి ముడి ఎట్టా వేస్తావు
ఆ ముడి ఒక కొంగు ముడయ్యేదాకా ఊరుకోవు
ప్రేమా..ఆ..ఆ !

పసిపాపలో ముసి నవ్వులా కపటాలు లేని ప్రేమ
మునిమాపులో మరు మల్లెలా మలినాలు లేని ప్రేమ
అరచేతిలో నెలవంకలా తెరచాటు లేని ప్రేమ
నది వంపులో అల పాటలా తడబాటు లేని ప్రేమ

మనసుల కలిమిడి ఫలితం ప్రేమ
తనువుల తాకిడి కాదు సుమా
అనంత జీవన యాత్రలో తోడు ప్రేమా
ప్రేమా.. ఆ..ఆ !

ఒక మనసుతో ఒక మనసుకి ముడి ఎట్టా వేస్తావు
ఆ ముడి ఒక కొంగు ముడయ్యేదాకా ఊరుకోవు
ప్రేమా..ఆ..ఆ !

అధరాలలో తడి మెరుపులా మెరిసేది కాదు ప్రేమ
హృదాయాలలో ధ్రువతారలా అలరారుతుంది ప్రేమ
పరువాలతో కరచాలనం చేసేది కాదు ప్రేమ
ప్రాణాలలో స్థిరభంధనం నెలకొలుపుతుంది ప్రేమ

మమతల అమృత వర్షిణి ప్రేమ..
ఊర్పుల అలజడి కాదు సుమా..
నిశీధిలోను వీడిపోని నీడ ప్రేమ..
ప్రేమా..ఆ..ఆ !

ఒక మనసుతో ఒక మనసుకి ముడి ఎట్టా వేస్తావు
ఆ ముడి ఒక కొంగు ముడయ్యేదాకా ఊరుకోవూ
ప్రేమా..ఆ..ఆ !


******************************************


గానం: కళ్యాణి మాలిక్, సునీత


చందమామ కధలో చదివా రెక్కల గుర్రలుంటాయని
నమ్మడానికి ఎంత బాగుందో
బాల మిత్ర కధలో చదివా పగడపు దీవులు ఉంటాయని
నమ్మడానికి ఎంత బాగుందో

నా కోసం రెక్కల గుర్రం ఎక్కి వస్తావనీ
పగడపు దీవి కి నువ్వే నన్ను తీసుకెళ్తావనీ
ఇక ఏనాటికీ అక్కడే మనం ఉంటామనీ
నమ్మడానికి ఎంత బాగుందో
నమ్మడానికి ఎంత బాగుందో

నువ్వే నాకు ముద్దొస్తావనీ
నేనే నీకు ముద్దిస్తాననీ
నమ్మడానికి ఎంత బాగుందో
నమ్మడానికి ఎంత బాగుందో

వరహాల బాటలోనా.. రతనాల తోటలోన
వజ్రాల మేడలోన.. బంగరు గదిలోన

విరి తేనెల్లో పాలల్లో తానా లాడేసి
నెల వంకల్లో వెన్నెల్నే భోంచేసి
నలుదిక్కుల్లో చుక్కల్నే చిలకలు చుట్టేసి

చిలకే కొరికి ..దరికే జరిగి మురిపెం పెరిగి

మరి నువ్వే నాకు ముద్దిస్తావనీ
ముద్దుల్లోన ముద్దవుతాననీ
నమ్మడానికి ఎంత బాగుందో
నమ్మడానికి ఎంత బాగుందో

చందమామ కధలో చదివా రెక్కల గుర్రలుంటాయని
నమ్మడానికి ఎంత బాగుందో
నమ్మడానికి ఎంత బాగుందో

ఎగిరేటి ఏనుగొచ్చి పలికేటి జింకలొచ్చి
నడిచేటి చేపలొచ్చి అడవికి రమ్మనగా

అహ కోనల్లో కొమ్మల్లో ఉయ్యలూగేసి
ఆ కొమ్మల్లో పళ్ళన్నీ రుచి చూసి
అహ పళ్ళళ్ళో మైకం తో మోహం కమ్మేసి

చలిగా గిలిగా తొలిగా త్వరగా అటుగా ఇటుగా

మరి నువ్వే నాకు ముద్దిస్తావనీ
తడి వేదాలు ముద్రిస్తావనీ
నమ్మడానికి ఎంత బాగుందో

నీ కోసం రెక్కల గుర్రం ఎక్కి వస్తానని
పగడపు దీవి కి నిన్నే నేను తీసుకెళ్తాననీ
ఇక ఏనాటికీ అక్కడే మనం ఉంటామని
నమ్మడానికి ఎంత బాగుందో
నమ్మడానికి ఎంత బాగుందో

నువ్వు లేక నేను లేను

నువ్వంటే నాకిష్ఠం..నీ నవ్వంటే నాకిష్ఠం
నువ్వంటే నాకిష్ఠం..నా నువ్వైతే నాకిష్ఠం
నాలో ఆలాపనా..ఆగేనా ఆపినా..
ఎదలో లయా వినవా ప్రియా !

నువ్వంటే నాకిష్ఠం..నీ నవ్వంటే నాకిష్ఠం

చేరువా దూరమూ లేవులే.. ఇష్ఠమైనా ప్రేమలో
ఆశలే కంటిలో బాసలై ఇష్ఠమాయే చూపులే
కోపతాపాల..తీపి శాపాల..ముద్దు మురిపాల కధ ఇష్ఠమే..
ఎంత అదృష్ఠమో మన ఇష్ఠమే ఇష్ఠమూ

నువ్వంటే నాకిష్ఠం..నీ నవ్వంటే నాకిష్ఠం
ఎగసే ఆ గువ్వల కన్నా...మెరిసే ఆ మబ్బుల కన్నా..
కలిసే మనసేలే నాకిష్ఠం !

పలికే ఈ తెలుగుల కన్నా..చిలికే ఆ తేనెల కన్నా..
చిలకా గోరింకకు నువ్విష్ఠం !!

ఇష్ఠసఖి నువ్వై..అష్ఠపది పాడే..అందాల పాటల్లో నీ పల్లవిష్ఠం !!!
నువ్వంటే ఎంతిష్ఠం
నీ ప్రేమంటే అంతిష్ఠం
నేనంటే నాకిష్ఠం
నాకన్నా నువ్విష్ఠం

Bank

సంగీతం : చిన్ని చరణ్
గానం : దీపు


చందమామ లాంటీ..నువ్వే నవ్వితే..
పువ్వే పూసెనే..నీ అధరాలపై
కబురే చెప్పాలి నీతో..కంగారౌతుంది ఏంటో..
చెలి నువ్వు తెలిపెయ్యవా !

ఎనలేని ప్రేమ నీకు..ఎలా తెలుపనూ
ఎనలేని ప్రేమ నీకు..ఎలా తెలుపనూ
నువ్వే నాకు తోడు లేక ఎలా బ్రతకనూ
మనసే మైకాన మునిగే..నా వయసే ప్రెమల్లో కరిగే
దారేదో చూపించవా !

చురుకైన కళ్ళలోన..కలై నువ్విలా
చురుకైన కళ్ళలోనా..కలై నువ్విలా
చినుకల్లే గుండెపైన..రాలేవా ఇలా
అడుగే నీ వెంట సాగే..అణువణువూ నీవైపు లాగే
నీ ప్రేమ అందించవా !

చందమామ లాంటీ..నువ్వే నవ్వితే..
పువ్వే పూసెనే..నీ అధరాలపై
కబురే చెప్పాలి నీతో..కంగారౌతుంది ఏంటో..
చెలి నువ్వు తెలిపెయ్యవా !