పల్లవి అనుపల్లవి

సంగీతం : ఇళయరాజా
గానం : SP బాలు, జానకి


ల ల లా లల లా లల లా లలాలా

కనులు కనులు కలిసే సమయం
మనసు మనసు చేసే స్నేహం
నీ చేరువలో నీ చేతలలో
వినిపించెను శ్రీ రాగం


కనులు కనులు కలిసే సమయం
మనసు మనసు చేసే స్నేహం


నీ నవ్వులో విరిసె మందారము
నీ చూపులో కురిసే శృంగారము
నీ మాటలో ఉంది మమకారము
నా ప్రేమకే నీవు శ్రీకారము
పరువాలు పలికేను సంగీతము
నయనాలు పాడేను నవ గీతము

నేనే నీకు కానా ప్రాణం
నీవే నాకు కావా లోకం
　
కనులు కనులు కలిసే సమయం
మనసు మనసు చేసే స్నేహం

　
నీ గుండె గుడిలో కొలువుండనీ
నీ వెంట నీడల్లే నను సాగని
నీ పూల ఒడిలో నను చేరనీ
నీ నుదుట సింధురమై నిలవనీ
చెవిలోన గుసగుసలు వినిపించనీ
ఎదలోన మధురిమలు పండించనీ

నీలో నేనే కలగా ఉంటూ
రోజూ స్వర్గం చూడాలంట


కనులు కనులు కలిసే సమయం
మనసు మనసు చేసే స్నేహం
నీ చేరువలో నీ చేతలలో
వినిపించెను శ్రీ రాగం
　

నీకోసం (1999)

సంగీతం: ఆర్.పి.పట్నాయక్
సాహిత్యం: సాహితి

గానం: రాజేష్, కౌసల్య

నీకోసం .. నీ కోసం
నీకోసం .. నీ కోసం

ఎపుడూ లేని ఆలోచనలు ఇపుడే కలిగెను ఎందుకు నాలో ..
నీకోసం .. నీ కోసం
ఈ లోకమిలా .. ఏదో కలలా .. నాకంతా కొత్తగ వింతగ కనిపిస్తూ ఉందీ

నీకోసం .. నీ కోసం
నీకోసం .. నీ కోసం

నాలో ఈ ఇదీ .. ఏ రోజూ లేనిదీ
ఏదో అలజడీ .. నీతోనే మొదలిదీ
నువ్వే నాకనీ .. పుట్టుంటావనీ
ఒంటిగా నీ జంటకే ఉన్నాను నేనిన్నాళ్ళుగా

నీకోసం .. నీ కోసం
నీకోసం .. నీ కోసం

నాలో ప్రేమకీ .. ఒక వింతే ప్రతీదీ
వీణే పలుకనీ .. స్వరమే నీ గొంతుదీ
మెరిసే నవ్వదీ .. మోనాలీసదీ
ఈ నిజం ఇక కాదనే ఏ మాటనూ నే నమ్మనూ

ఎపుడూ లేని ఆలోచనలు ఇపుడే కలిగెను ఎందుకు నాలో ..
నీకోసం .. నీ కోసం
ఈ లోకమిలా .. ఏదో కలలా .. నాకంతా కొత్తగ వింతగ కనిపిస్తూ ఉందీ

నీకోసం .. నీ కోసం
నీకోసం .. నీ కోసం

అంకురం (1992)

సంగీతం: ఎం.ఎం.కీరవాణి
సాహిత్యం: సిరివెన్నెల
గానం: చిత్ర, బాలు

ఎవరో ఒకరూ..
ఎపుడో అపుడూ..
ఎవరో ఒకరూ..ఎపుడో అపుడూ
నడవరా ముందుగా అటో ఇటో ఎటోవైపు
అటో ఇటో ఎటోవైపు

ఆ..ఆ..
మొదటివాడు ఎప్పుడూ ఒక్కడే మరీ
మొదటి అడుగు ఎప్పుడూ ఒంటరే మరీ
వెనుక వచ్చు వాళ్ళకూ బాట అయినదీ

ఎవరో ఒకరూ..ఎపుడో అపుడూ
నడవరా ముందుగా అటో ఇటో ఎటోవైపు
అటో ఇటో ఎటోవైపూ..

కదలరు ఎవ్వరూ..వేకువ వచ్చినా
అనుకొని కోడి కూత నిదురపోదుగా
జగతికి మేలులొల్పు మానుకోదుగా

మొదటి చినుకు సూటిగా దూకి రానిదే
మబ్బు కొంగు చాటుగా ఒదిగి దాగితే
వానధార రాదుగా నేల దారికీ
ప్రాణమంటు లేదుగా బ్రతకడానికీ !

ఎవరో ఒకరూ..ఎపుడో అపుడూ
నడవరా ముందుగా అటో ఇటో ఎటోవైపు
అటో ఇటో ఎటోవైపూ..

చెదరకపోదుగా చిక్కని చీకటీ
మిణుగురు రెక్క చాటు చిన్ని కాంతికీ
దానికి లెక్క లేదు కాళరాతిరీ

పెదవి ప్రమిద నిలపనీ నవ్వు జ్యోతినీ
రెప్ప వెనక ఆపనీ కంటి నీటినీ
సాగలేక ఆగితే దారి కరుగునా
జాలి చూపి తీరమే దరికి చేరునా !!

ఎవరో ఒకరూ..ఎపుడో అపుడూ
నడవరా ముందుగా అటో ఇటో ఎటోవైపు
అటో ఇటో ఎటోవైపూ..

యుగములు సాగినా..నింగికి తాకకా
ఎగసిన అలల ఆశ అలిసిపోదుగా
ఓటమి ఒప్పుకుంటు ఆగిపోదుగా

ఇంత వేడి ఎండతో వళ్ళు మండితే
అంత వాడి ఆవిరై వెళ్ళి చేరదా
అంత గొప్ప సూర్యుడూ కళ్ళూ మూయడా
నల్లమబ్బు కమ్మితే చల్లబారడా !!!

ఎవరో ఒకరూ..ఎపుడో అపుడూ
నడవరా ముందుగా అటో ఇటో ఎటోవైపు
అటో ఇటో ఎటోవైపు
అటో ఇటో ఎటోవైపూ !

పెళ్ళిపుస్తకం

బాపు-రమణ గారి చిత్రాలలో 'పెళ్ళిపుస్తకం' కి ఒక ప్రత్యేక స్థానం ఉంది. 'శ్రీరస్తూ శుభమస్తూ..శ్రీకారం చుట్టుకుంది పెళ్ళి పుస్తకం' అనే పాట పలకని పెళ్ళి కాని, ఆ పాట లేని పెళ్ళి కాసెట్ కాని, సీడీ లేవంటే అతిశయోక్తి కాదు. నాకు బాపూ గారి బొమ్మలంటే ప్రాణం , రమణ గారి మాటలంటే ఇష్థం. తెలుతనం నిండుగా కనిపిస్తుంది వీరి చిత్రాలలో. మధ్య తరగతి జీవితం, ఆలుమగల మధ్య అనురాగం బాపూ గారు చూపించినట్లుగా ఇంకెవరూ చూపించలేరేమో!

దివ్యవాణి ఆల్చిప్పల్లాంటి కళ్ళు కానీ, రాజేంద్రప్రసాద్ మాటల చమత్కారాలు కానీ, గుమ్మడి గారి 'నేనూ..' అని మొదలెట్టే మాటలు కానీ..ఒకటేమిటి అన్నీ అన్నీ ఎంతో బాగా నచ్చాయి నాకు. చివరగా చెప్తున్నానని కాకుండా, 'మామ' కె.వి.మహదేవన్ గారి బాణీలు అధ్బుతం !

సంగీతం : కె.వి.మహదేవన్
సాహిత్యం : వేటూరి

సరికొత్త చీర..
గానం : ఎస్.పి.బాలసుబ్రమణ్యం

సరికొత్త చీర ఊహించినాను
సరదాల సరిగంచు నేయించి నాను
మనసూ మమత..పడుగూ పేక చీరలో చిత్రించి నాను
ఇది ఎన్నో కలల కలనేత..నా వన్నెల రాశికీ సిరి జోత
నా వన్నెల రాశికీ సిరి జోతా...

ముచ్చట గొలిపే మొగలి పొత్తుకు..ముళ్ళూ వాసన ఒక అందం
అభిమానం గల ఆడపిల్లకు ..అలకా కులుకూ ఒక అందం
ఈ అందాలన్నీ కల బోస్తా..నీ కొంగుకు చెంగున ముడి వేస్తా
ఈ అందాలన్నీ కల బోస్తా..నీ కొంగుకు చెంగున ముడి వేస్తా

ఇది ఎన్నో కలల కలనేత..నా వన్నెల రాశికీ సిరి జోత
నా వన్నెల రాశికీ సిరి జోతా...

చుర చుర చూపులు ఒక మారూ..నీ చిరు చిరు నవ్వులు ఒక మారు
మూతి విరుపులు ఒక మారూ..నువ్వు ముద్దుకు సిద్ధం ఒక మారు
నువ్వు ఏ కళనున్నా మహ బాగే..ఈ చీర విశేషం అలాగే
నువ్వు ఏ కళనున్నా మహ బాగే..ఈ చీర విశేషం అలాగే

సరికొత్త చీర ఊహించినాను
సరదాల సరిగంచు నేయించి నాను
మనసూ మమత..పడుగూ పేక చీరలో చిత్రించి నాను
ఇది ఎన్నో కలల కలనేత..నా వన్నెల రాశికీ సిరి జోత
నా వన్నెల రాశికీ సిరి జోతా...

*************************************

ఏప్రిల్ 1 విడుదల (1991)

సంగీతం: ఇళయరాజా
సాహిత్యం: వేటూరి

గానం: ఎస్.పి.బాలసుబ్రమణ్యం, చిత్ర

ఒంపుల వైఖరీ .. సొంపుల వాకిలీ .. ఇంపుగ చూపవే వయ్యారీ
వెల్లువ మాదిరీ .. అల్లరి ఆకలీ .. ఎందుకు పోకిరీ చాలు మరీ
మోవినీ .. మగతావినీ .. ముడి వేయనీయవా
కాదనీ .. అనలేననీ .. గడి అయిన ఆగవా
అదుపూ పొదుపూ లేనీ ఆనందం కావాలీ
(హద్దూ పొద్దూ లేనీ ఆరాటం ఆపాలీ)

ఒంపుల వైఖరీ .. సొంపుల వాకిలీ .. ఇంపుగ చూపవే వయ్యారీ
వెల్లువ మాదిరీ .. అల్లరి ఆకలీ .. ఎందుకు పోకిరీ చాలు మరీ .. హో !

(మాంగల్యం తంతునానేన మమజీవన హేతునా
కంఠే భద్రామి శుభకే త్వం జీవ శరదస్యకం
త్వం జీవ శరదస్యకం .. త్వం జీవ శరదస్యకం !)

కాంక్షలో కైపు నిప్పూ .. ఎంతగా కాల్చినా
దీక్షగా ఓర్చుకున్నా .. మోక్షమే ఉండదా
శ్వాసలో మోహదాహం .. గ్రీష్మమై వీచగా
వాంఛతో వేగు దేహం .. మరయాగ వాటికా

కాలమే కాలిపోయే ఆజ్యమే పోయవా
మౌనమే గానమయ్యే మూర్తమే చూడవా

ఒంపుల వైఖరీ .. సొంపుల వాకిలీ .. ఇంపుగ చూపవే వయ్యారీ
వెల్లువ మాదిరీ .. అల్లరి ఆకలీ .. ఎందుకు పోకిరీ చాలు మరీ .. హో !

నిష్ఠగా నిన్ను కోరీ .. నీమమే దాటినా
కష్ఠమే సేద తీరే .. నేస్తమే నోచనా
నిద్రహం నీరు గారే .. జ్వాలలో నించినా
నేర్పుగా ఈది చేరే .. నిశ్చయం మెత్తనా

సోయగం సొంతమయ్యే స్వర్గమై చేరవా
మధనమే అంతమయ్యే అమృతం అందుకో

ఒంపుల వైఖరీ .. సొంపుల వాకిలీ .. ఇంపుగ చూపవే వయ్యారీ
వెల్లువ మాదిరీ .. అల్లరి ఆకలీ .. ఎందుకు పోకిరీ చాలు మరీ
మోవినీ .. మగతావినీ .. ముడి వేయనీయవా
కాదనీ .. అనలేననీ .. గడి అయిన ఆగవా
అదుపూ పొదుపూ లేనీ ఆనందం కావాలీ
(హద్దూ పొద్దూ లేనీ ఆరాటం ఆపాలీ)

ఒంపుల వైఖరీ .. సొంపుల వాకిలీ .. ఇంపుగ చూపవే వయ్యారీ
వెల్లువ మాదిరీ .. అల్లరి ఆకలీ .. ఎందుకు పోకిరీ చాలు మరీ .. హో !

**************************************************

గానం: మనో, చిత్ర

ఒక్కటే ఆశా .. అందుకో శ్వాసా
అచ్చగా అంకితం చేశా .. పుచ్చుకో ప్రాణేశా
అచ్చగా అంకితం చేశా .. పుచ్చుకో ప్రాణేశా

చుక్కనే చూశా .. లెక్కలే వేశా
నింగిపై అంగలే వేశా .. కిందికే దించేశా
నింగిపై అంగలే వేశా .. కిందికే దించేశా

ఒక్కటే ఆశా .. అందుకో శ్వాసా !

మెత్తగా వళ్ళో .. పెట్టుకో కాళ్ళూ
ఉందిగా అంక పీఠం .. ఆడపుట్టుకే అందుకోసం
గట్టిగా పట్టుకో .. భక్తిగా అద్దుకో
పుచ్చుకో పాద తీర్ధం .. పాద పూజలే ఆది పాఠం

చాకిరీ చెయ్యనా బానిసై .. నీ సేవలే చెయ్యనా పాదుషా
దీవెనే తీసుకో బాలికా .. నీ జీవితం సార్ధకం పొమ్మికా
మొక్కులే తీరీ .. అక్కునే చేరీ .. దక్కెనే సౌభాగ్యం

చుక్కనే చూశా .. లెక్కలే వేశా
నింగిపై అంగలే వేశా .. కిందికే దించేశా
అచ్చగా అంకితం చేశా .. పుచ్చుకో ప్రాణేశా

ఒక్కటే ఆశా .. అందుకో శ్వాసా !

నచ్చెనే నారీ .. వచ్చెనే కోరీ ..
తెచ్చెనే ప్రేమ సౌఖ్యం .. సాటి లేనిదీ ఇంటి సఖ్యం
మెచ్చెనే చేరీ .. ముచ్చటే తీరీ
ఇచ్చెనే ప్రేమ రాజ్యం .. అంతులేనిదే సంతోషం

స్వప్నమే సత్యమై వచ్చెనేమో .. వెచ్చగా సర్వమూ పంచగా
స్వర్గమే సొంతమై దక్కెనేమో .. అచ్చటా ముచ్చటా తీర్చగా
మక్కువే మీరీ .. ముద్దులే కోరీ .. అందెనా ఇంద్రభోగం

ఒక్కటే ఆశా .. అందుకో శ్వాసా
అచ్చగా అంకితం చేశా .. పుచ్చుకో ప్రాణేశా
నింగిపై అంగలే వేశా .. కిందికే దించేశా

ఒక్కటే ఆశా .. అందుకో శ్వాసా !

*******************************************

గానం: మనో, చిత్ర

చుక్కలు తెమ్మన్నా తెంచుకు రానా ..
చూస్తావా నా మైనా .. చేస్తానే ఏమైనా (2)

నిన్నే మెప్పిస్తాను .. నన్నే అర్పిస్తాను .. వస్తానమ్మా ఎట్టాగైనా

షోలే ఉందా ?
ఇదిగో ఇందా ..
చాల్లే ఇది జ్వాల కాదా..
తెలుగులో తీశారే బాలా !

ఖైదీ ఉందా?
ఇదిగో ఇందా..
ఖైదీ కన్నయ్య కాదే ..
వీడికి అన్నయ్య వాడే !

జగదేకవీరుడి కధా..ఇది పాత పిక్చర్ కదా
అతిలోక సుందరి తల .. అతికించి ఇస్తా పదా
ఏ మాయ చేసైనా ఒప్పించే తీరాలి

చుక్కలు తెమ్మన్నా తెంచుకు రానా ..
చూస్తావా నా మైనా .. చేస్తానే ఏమైనా

ఒకటా రెండా .. పదులా వందా
బాకీ ఎగవేయకుండా .. బదులే తీర్చేది ఉందా
మెదడే ఉందా .. మతి పోయిందా
చాలే నీ కాకి గోలా .. వేళా పాళంటూ లేదా

ఏవైంది భాగ్యం కధా? కదిలిందా లేదా కధా?
వ్రతమేదో చేస్తుందంటా .. అందాక ఆగాలటా
సౌఖ్యంగా బ్రతకాలీ .. సౌఖ్యాలే పొందాలి

చుక్కలు తెమ్మన్నా తెంచుకు రానా ..
చూస్తావా నా మైనా .. చేస్తానే ఏమైనా
నిన్నే మెప్పిస్తాను .. నన్నే అర్పిస్తాను .. వస్తానమ్మా ఎట్టాగైనా

చుక్కలు తెమ్మన్నా తెంచుకు రానా ..
చూస్తావా నా మైనా .. చేస్తానే ఏమైనా